9 снежня спаўняецца 131 год з дня нараджэння генія беларускай літаратуры – Максіма Багдановіча - Новости учреждения

Максім Багдановіч – адзін са стваральнікаў нацыянальнай мастацкай літаратуры, паэт, празаік, гісторык літаратуры і літаратурны крытык, публіцыст, перакладчык.

І сёлета вучні нашай школы не пакінулі без увагі дзень нараджэння класіка беларускай літаратуры.

Вучаніца 6 "В" класа Хмялеўская Карына (настаўнік Карыцкая Т.Ч.) разам са сваей маці Кузняцовай Аленай Аляксандраўнай выканалі ўсімі любімы верш паэта "Маевая песня". Відэазапіс выканання будзе адпраўлены на конкурс «Пад Зоркай Венерай», які праводзіцца Мінскай абласной бібліятэкай з 1 па 20 снежня.

Па-над белым пухам вішняў,
Быццам сіні аганёк,
Б’ецца, ўецца шпаркі, лёгкі
Сінякрылы матылёк.
Навакол усё паветра
Ў струнах сонца залатых,
Ён дрыжачымі крыламі
Звоніць ледзьве чутна ў іх.
I ліецца хваляй песня —
Ціхі, ясны гімн вясне.
Ці не сэрца напявае,
Навявае яго мне?

Ці не вецер гэта звонкі
Ў тонкіх зёлках шапаціць?
Або мо сухі, высокі
Ля ракі чарот шуміць?
Не паняць таго ніколі,
Не разведаць, не спазнаць:
Не даюць мне думаць зыкі,
Што ляцяць, дрыжаць, звіняць.
Песня рвецца і ліецца
На раздольны, вольны свет.
Але хто яе пачуе?
Можа, толькі сам паэт.

Ивенецкая средняя школа

9 снежня спаўняецца 131 год з дня нараджэння генія беларускай літаратуры – Максіма Багдановіча